ചന്തുവിന്‍ ചിന്തകള്‍

ദൈവമേ കണ്ട്രോള്‍ തരൂ !

2010-02-02T20:07:00.004+04:00

കേരളത്തിലെ അമ്പലങ്ങളില്‍, അതും അത്യാവശ്യം തിരക്കുള്ള അമ്പലങ്ങളില്‍ പോയിട്ടുള്ള ആളാണോ ? എങ്കില്‍ ഈ അനുഭവം ഉണ്ടായിട്ടുണ്ടാവും.വളഞ്ഞും പുളഞ്ഞും നീങ്ങുന്ന ക്യൂവില്‍ നിന്ന് ഇടിയും ചവിട്ടും ആവോളം കൊണ്ട് കട്ടേം പടോം മടങ്ങി വല്ലവിധേനേം അമ്പലത്തിന്റെ ഉള്ളിലെത്തി ദൈവത്തിനെ തൊഴാന്‍ കൈകൂപ്പി നില്‍ക്കുമ്പോള്‍ അതാ കേള്‍ക്കുന്നു അശരീരി. “ തൊഴുതു മാറൂ മാറൂ ”. ഒരാളല്ല, അവിടെ നില്‍ക്കുന്ന കുറേ ചേട്ടന്മാര്‍ ചേര്‍ന്നാണ് കോറസ് പോലെ ഇങ്ങനെ ഉറക്കെ വിളിച്ചു കൂവുന്നത്. നല്ല ചിന്തയോടെ ഇഷ്ട ദൈവത്തിനെ തൊഴാനെത്തുന്നവന്റെ മനസ്സില്‍ കലി നിറഞ്ഞില്ലെങ്കിലല്ലേ അത്ഭുതമുള്ളൂ. ഇതിനൊരു മാറ്റം വരുത്താന്‍ എന്തു ചെയ്യണം എന്ന ചിന്തയിലാണ് ഞാനിപ്പോള്‍ ...

മമ്മൂട്ടിയെ തോല്‍പ്പിക്കാനാവില്ല മക്കളെ !

2009-01-01T20:57:00.005+04:00

ബ്ലോഗ് എന്ന ‘കുന്ത്രിട്ടാദി’ യ്ക്ക് മലയാളിത്തം കൊടുത്തവര്‍ക്കും അതുപോലെ ഇംഗ്ലീഷില്‍ കുത്തുമ്പോള്‍ മലയാളത്തില്‍ അക്ഷരം തെളിയുന്ന വിദ്യകണ്ടെത്തിയവര്‍ക്കും ഒരുപോലെ സന്തോഷിക്കാവുന്ന ഒരു പുതുവര്‍ഷമാണിത് എന്ന് എനിക്കു തോന്നുന്നു.( ഒരു പക്ഷെ എനിക്കു മാത്രം തോന്നുന്നതായിരിക്കും ).കാരണം വായനയ്ക്കും എഴുത്തിനും ഒരുപോലെ പ്രാധാന്യം കല്‍പ്പിയ്ക്കുന്ന ഒരു താരം, മമ്മൂട്ടി ഇന്ന് ബൂലോഗത്തില്‍ എത്തിയിരിക്കുന്നു.കൊച്ചി ഡി.ഡി.വില്ലേജില്‍ ‘പട്ടണത്തില്‍ ഭൂത’ ത്തിന്റെ സെറ്റില്‍ വച്ചായിരുന്നു www.i-am-mammootty.bogspot.com എന്ന ബ്ലോഗിന്റെ ലോഞ്ച്.

ഞാനും അവിടുണ്ടായിരുന്നു.മമ്മൂക്ക നല്ല താല്പര്യത്തോടെയാണ് ബൂലോഗത്തെ വീക്ഷിയ്ക്കുന്നത്.ഒരു പക്ഷെ ഭാവിയില്‍ അദ്ദേഹത്തിന്റേതായി ഒരു ബൂലോഗ പുസ്തകവും ഇറങ്ങിയേക്കാം.

ഓ.ടോ. ഇനി ആബ്ലോഗിലും തേങ്ങയടിക്കാനും സ്മൈലി ഇടാനും തിരക്കായിരിക്കും!!

ഞാന്‍ എന്ന (അനിഷ്ട) സംഭവം !

2008-11-10T21:22:00.005+04:00

ബൂലോകത്തിലെ ആരോഗ്യ‘വാനായ’ കാര്‍ട്ടൂണിസ്റ്റ് സജ്ജീവ് അവര്‍കള്‍ എന്നെ അദ്ദേഹത്തിന്റെ വരകളിലേയ്ക്ക് ആവാഹിച്ചപ്പോള്‍ !

ഛായാമുഖി

2008-08-18T20:30:00.003+04:00

pookkalethedinee.m...

കാളിദാസ വിഷ്വല്‍ മാജിക് നിര്‍മ്മിച്ച് മോഹന്‍ലാലും മുകേഷും സംഘവും അവതരിപ്പിച്ച നാടകം ‘ഛായാമുഖി’ യ്ക്കു വേണ്ടി ഞാന്‍ പാടിയ ഒരു ഗാനം.ഗാന രചന: നാടക സംവിധായകന്‍ കൂടിയായ പ്രശാന്ത് നാരായണന്‍.സംഗീതം : മോഹന്‍ സിതാര.

മുകേഷ് അവതരിപ്പിച്ച ‘കീചകന്റെ’ അവതരണ ഗാനമാണിത്.

പഞ്വവാദ്യത്തിനിടയില്‍ പാമ്പ് കയറി !!

2008-04-08T21:34:00.003+04:00

അങ്ങനെ 2008 വന്നു !

2008-01-01T21:47:00.000+04:00

അങ്ങനെ ഒരു വര്‍ഷം കാത്തിരുന്ന് 2008 വന്നു.ഈ വര്‍ഷവും ഞാന്‍ നന്നാവാന്‍ തീരുമാനിച്ചിട്ടില്ല. ഹല്ല..തീരുമാനിച്ചാലൊട്ടു നന്നാ‍വാ‍നും പോണില്ല. പിന്നെന്തിനാ വെറുതേ ഒരു തീരുമാനം വേസ്റ്റ് ആക്കുന്നത്.യേത് !

കാലചക്രം

2007-09-14T22:53:00.000+04:00

ഇന്നലെ ഞാന്‍ അച്ഛനോടുചോദിച്ചു “അച്ഛനെന്തറിയാം?”
ഇന്ന് മോ‍ന്‍ എന്നോടുചോ‍ദിച്ചു “അച്ഛനെന്തറിയാം?”
നാളെ മോന്റെ മോന്‍ മോനോടുചോദിച്ചേക്കാം “അച്ഛനെന്തറിയാം?”

ശുനക വിലാപം !

2007-08-24T21:22:00.000+04:00

ഓ നമക്കെന്തരോണം അണ്ണാ !!!

“വര്‍ഷത്തിലീദിവസങ്ങളില്‍ എന്നെപ്പോലത്തെ അപ്പാവികളെ കാര്യം കട്ടപ്പൊഹ തന്നെ.ഇപ്പഴെല്ലാരും പച്ചക്കറിയല്ലേ തിന്നൂ..ഓണങ്ങളല്ലീ !മീനും മുട്ടേം എറച്ചീം തിന്നാ ഇനി മാവേലിയെങ്ങാനും ഈ വീട്ടില് കേറാതെ പൊക്കളഞ്ഞാലാ..പങ്കമല്ലീ..അതൊണ്ട് ഇപ്പഴ് തീറ്റക്കാര്യം പരുങ്ങലില് തന്നെ.ഇനി ഈ ഓണം തീരണത് വരെ ടീവീല് വരണ ചിക്കന്‍ കാലിന്റേം മീങ്കറീരേം പരസ്യങ്ങളും കന്റ് വെള്ളമെറക്കാനാണ് നമ്മള് പട്ടികളെ വിധി.”

ആദിത്യപൂജ..

2007-03-27T11:47:00.000+04:00

വടക്കന്‍ കേരളത്തിലെ തീരപ്രദേശഗ്രാമങ്ങളില്‍ കാര്‍ഷികവൃത്തിയുമായി ബന്ധപ്പെട്ടുനടക്കുന്ന ഒരു ആരാധനാരീതിയാണ്‌ ആദിത്യപൂജ.മീനമാസത്തിലാണ്‌ ഇതുനടക്കുന്നത്‌.പത്താമുദയത്തിന്‌ മുന്നേ ഈ പൂജ നടത്തണം എന്നാണ്‌ നിഷ്ഠ.

അരിപ്പൊടി പഞ്ചമൃതം ഇവ കരിക്കിന്‍ വെള്ളത്തില്‍ കുഴച്ച്‌ എണ്ണയില്‍ പൊരിച്ചെടുക്കുന്ന,നെയ്യപ്പത്തിനു സമാനമായ ഒരു പലഹാരമാണ്‌ പ്രധാന നൈവേദ്യം.ഈപലഹാരം നിറച്ചതാലത്തില്‍ തേങ്ങാമുറിയിലുള്ള വിളക്കും,കൊതുമ്പിന്റെ രണ്ടുകൊച്ചുചീളുകളില്‍ തുണിചുറ്റിയതും ഉണ്ടാകും.നട്ടുച്ച്യ്ക്ക്‌ 12 മണിക്ക്‌ ആര്‍പ്പുവിളികളോടെ ഈതാലം സൂര്യനുനേരെ ഉയര്‍ത്തുന്നു.പ്രായംചെന്ന ചിലര്‍ ജ്വലിച്ചുനില്‍ക്കുന്ന സൂര്യനെ നഗ്നനേത്രങ്ങള്‍ കൊണ്ടു നോക്കുകയും ചെയ്യുന്നു. ആദിത്യപ്രീതിയുണ്ടായാല്‍ മീനചൂടിന്റെ കാഠിന്യം കുറയുകയും വരുംവര്‍ഷം നല്ല വിളവുണ്ടാകുകയും ചെയ്യും എന്നാണ്‌ വിശ്വാസം.

ചേര്‍ത്തലയിലെ കണിച്ചുകുളങ്ങരക്ക്‌ അടുത്തുള്ള എസ്‌.എന്‍.പുരത്ത്‌ മാര്‍ച്ച്‌ 25 നു നടന്ന ആദിത്യപൂജയുടെ ചിത്രങ്ങളാണ്‌ ഇത്‌.

അച്ഛന്‍ കഥകള്‍‌‌-ഭാഗം-2

2007-01-09T09:41:00.000+04:00

ഞാന്‍ യു.എ.ഇ-യില്‍ റേഡിയോയില്‍ എത്തിയ സമയം.കൃത്യമായിപറഞ്ഞാല്‍ 1998 കാലഘട്ടം.പരിപാടികള്‍ അവതരിപ്പിച്ച്‌ തുടങ്ങി കുറച്ചുനാളുകള്‍ക്കുള്ളില്‍ത്തന്നെ ദൈവാനുഗ്രഹം കൊണ്ട്‌ ശ്രോതാക്കളുടെ ഇഷ്ടം നേടാന്‍ കഴിഞ്ഞു.അങ്ങിനെയിരിക്കെ ഒരു സുപ്രഭാതത്തില്‍ ഓഫീസില്‍ എത്തിയ എന്നെ കാത്ത്‌ ഒരു കത്ത്‌ മേശയില്‍ കുത്തിയിരിക്കുന്നു.കുത്തിയിരിക്കുന്ന കത്തിനെ പൊട്ടിച്ചു വായിച്ചപ്പോള്‍ ഞാന്‍ ഞെട്ടി.ഒരുഗ്രന്‍ പ്രണയലേഖനം.എനിക്കെന്റെ കണ്ണുകളെ വിശ്വസിക്കാനായില്ല.ഒന്നുകൂടി നോക്കി.അതെ അതൊരു പ്രണയലേഖനം തന്നെ.സ്വാഭാവികമായും അടുത്ത 'ലുക്ക്‌' ഫ്രം അഡ്രസ്സിലേയ്ക്കു പാളി.അവിടെ പേരിനു പകരം രണ്ട്‌ കണ്ണുകളുടെപടം.ആരാധിക പേരു വെളിപ്പെടുത്താന്‍ ആഗ്രഹിക്കുന്നില്ല എന്നു ചുരുക്കം.അപ്പോഴേയ്ക്കും എന്റെ ചുറ്റും സഹപ്രവര്‍ത്തകര്‍ കൂടിയിരുന്നു.സാധാരണ ഓഫീസില്‍ എത്തിയാല്‍ ഉടന്‍ ബഹളം തുടങ്ങുന്ന ഞാന്‍ അന്ന് ' സൈ ലന്റ്‌'ആയതിന്റെ കാരണം തേടിവന്ന അവര്‍ കണ്ടത്‌ ടോം ആന്‍ഡ്‌ ജെറിയില്‍ കാമുകിപ്പൂച്ചയെ കാണുമ്പോള്‍ കണ്ട്രോള്‍ വിട്ടു നില്‍ക്കുന്ന ടോം പൂച്ചയെപ്പോലെ നില്‍ക്കുന്ന എന്നെയാണ്‌.ഞൊടിയിടയില്‍ ആ പ്രേമലേഖനം അവരുടെ കൈകളില്‍ എത്തി.പിന്നെ അവരുടെ ഭാവനയില്‍ ഈ പെണ്‍കുട്ടിയെ വര്‍ണിക്കാന്‍ തുടങ്ങി.എനിക്കു സഹിക്കുമോ ? ഒന്നുമില്ലെങ്കിലും എനിക്ക്‌ പ്രണയലേഖനം എഴുതിയ കുട്ടിയല്ലേ !എന്നിലെ പുരുഷസിംഹം ഏതാണ്ടൊക്കെ കുടഞ്ഞെഴുന്നേറ്റു.പിന്നെ നടന്നതൊരു പോരാട്ടം.അതിനൊടുവില്‍ കീറിപ്പറിഞ്ഞിട്ടാണെങ്കിലും ആ പേപ്പര്‍ കഷണം എന്റെ കയ്യില്‍ കിട്ടി.ഹോ.എന്തായിരുന്നു ആശ്വാസം !പിന്നെ ഇത്തരം കത്തുകള്‍ ആഴ്ച്ചയില്‍ മൂന്ന് എന്ന രീതിയില്‍ വരാന്‍ തുടങ്ങി.അന്നു വരെ പ്രേമത്തിനെതിരായിരുന്ന ഞാന്‍ ചക്കയരക്കില്‍ ഈച്ച എന്നപോലെ ഈകത്തുകളില്‍ ഒട്ടാന്‍ തുടങ്ങി."ഇന്നലെ വാരെ ഞാന്‍ വറതം (വ്രതം) നോട്ടിരുന്നത്‌ എന്റെ നമ്മയ്ക്കു തന്നെയായിരുന്നു.എന്നാല്‍ ഇപ്പോള്‍ എന്റെ വറതങ്ങളെല്ലാം എന്റെ ചന്തുവിനു വേണ്ടിയാ.." എന്ന് അറിയുന്ന മലയാളത്തില്‍ കഷടപ്പെട്ട്‌ ആകൊച്ച്‌ എഴുതുമ്പോള്‍ ഞാന്‍ ഒട്ടിയില്ലെങ്കിലല്ലേ അത്ഭുതമുള്ളൂ.

അങ്ങിനെയിരിക്കുമ്പോള്‍ ഒരു ദിവസംവീട്ടില്‍ നിന്നും അമ്മയുടെ ഫോണ്‍ വന്നു.വീട്ടില്‍ നിന്നാണെന്നു കണ്ടതും എന്റെ ഒരുസഹപ്രവര്‍ത്തക ചാടിവീണ്‌ ഫോണ്‍ കൈയ്ക്കലാക്കി.എനിക്ക്‌ ഒരു ഗ്യാപ്‌ കിട്ടുന്നതിനുമുന്‍പ്‌ തന്നെ എന്റെ പ്രേമലേഖനക്കഥ മുഴുവന്‍ അമ്മയോട്‌ വിളമ്പി.എന്നിട്ട്‌ ഒരു ദീര്‍ഘനിശ്വാസം ഉതിര്‍ത്തുകൊണ്ട്‌ ഫോണ്‍ എന്റെ കയ്യിലേയ്ക്ക്‌ തന്നു.സത്യം പറഞ്ഞാല്‍ അന്ന് യു.എ.യില്‍ ഓടുന്ന എല്ല വണ്ടികളോടും എനിക്ക്‌ ദേഷ്യം തോന്നി.'വെറുതേ ഓടുന്ന വഴിക്ക്‌ ഈ സഹയുടെ പുറത്തുകൂടി ഓടിയിരുന്നെങ്കില്‍ എനിക്ക്‌ ഇങ്ങനെ ഒരു പാര വരില്ലായിരുന്നല്ലോ.' എന്തായാലും ഞാന്‍ ഫോണ്‍ എടുത്തു.അമ്മയ്ക്ക്‌ ഭയങ്കര ഗൗരവം."ദേ അച്ഛനു കൊടുക്കാം" എന്നുപറഞ്ഞ്‌ ഫോണ്‍ അച്ഛനു കൈമാറി.അച്ഛനോട്‌ ഞാന്‍ മൊഴിഞ്ഞു."അച്ഛാ മിക്കവാറും മകന്‍ കൈവിട്ട്‌ പോകും.ദേ സ്ഥിരമായി പ്രേമലേഖനമൊക്കെ വരുന്നുണ്ട്‌".പക്ഷെ ഈ ഞെട്ടിക്കുന്ന വാര്‍ത്തകേട്ടിട്ടിട്ടും അച്ഛനില്‍ ഭാവഭേദമൊന്നും കണ്ടില്ല."എടാ ഇപ്രാവിശ്യമെങ്കിലും നിന്റെ വണ്ടിയുടേയും ഇന്‍ഷുറന്‍സിന്റേയും കാശയച്ചുതരണം.രണ്ടുമൂന്നു മാസമായി നീ എന്നെ പറ്റിക്കുന്നു." അച്ഛന്‍ കാശില്‍ പിടുത്തമിട്ടു.ഞാന്‍ വിടുമോ! കാശിന്റെ കാര്യം അച്ഛന്‍ ചോദിക്കുകയും ചെയ്യരുത്‌ പ്രേമലേഖനത്തിന്റെ കാര്യം അറിയിക്കുകയും വേണം.വീണ്ടും ഞാന്‍ എടുത്തുചോദിച്ചു. "അല്ലച്ഛാ എനിക്ക്‌ സ്ഥിരമായി ഒരു കുട്ടി പ്രേമലേഖനം അയയ്ക്കുന്നു.ഞാന്‍ എന്തുചെയ്യണം? അച്ഛന്റെ മറുപടിയും പെട്ടന്നായിരുന്നു. "ഓ..അതിനു നീ ഒന്നും ചെയ്യണമെന്നില്ല.നിന്നെ ഒന്ന് നേരിട്ടു കാണുമ്പോള്‍ അതു താനേ നിന്നോളും"..
തൊട്ടു മുന്നിലിരുന്ന കണ്ണാടിയില്‍ അപ്പോള്‍ ഞാന്‍ കണ്ട പ്രതിബിംബത്തിന്‌'ഇഞ്ചി തിന്ന' ഒരു ഛായ ഉണ്ടായിരുന്നോ ??

വാല്‍ക്കഷണം: അച്ഛന്‍ പറഞ്ഞതുപോലെ..എന്നെ എവിടെയോവച്ച്‌ ആകുട്ടി കണ്ടിട്ടുണ്ടാകണം.അതിനു ശേഷം ഇന്നു വരെ പിന്നെ 'ആ' പ്രേമലേഖനം എന്നെ തേടിവന്നിട്ടില്ല.

എലിയേ പേടിച്ച്...

2006-12-07T10:14:00.000+04:00

കോട്ടയത്തുനിന്നും കൊച്ചിയിലേയ്ക്കുള്ള ട്രെയിന്‍ യാത്രയിലാണ് ഇവനെ കണ്ടത്.എന്നെ കണ്ടിട്ടും അവനൊരു പേടിയോ ബഹുമാനമോ കാണിച്ചില്ല.പകരം പരമ പുച്ഛമായിരുന്നു ആമുഖത്ത് നിഴലിച്ചത്. “ഞാന്‍ വെറും എലിയാണെന്നാവും നിന്റെ ധാരണ.പക്ഷെ ഞാന്‍ പുലിയാടാ” എന്നാണോ അവന്‍ എന്നോട് പറഞ്ഞത്? നഹിമാലൂം.എന്നെ മൈന്‍ഡ് ചെയ്യാതെ തറയില്‍ ഉണങ്ങിപ്പിച്ച ചായ നക്കിക്കുടിക്കുകയായിരുന്നു അവന്‍.

തങ്കമനസ്സ് അമ്മമനസ്സ്..

2006-11-14T12:28:00.000+04:00

രാപ്പകലിന് വേണ്ടി കൈതപ്രത്തിന്റെ വരികള്‍ക്ക് മോഹന്‍ സിതാര ഈണം നല്‍കി പി.ജയച്ചന്ദ്രന്‍ പാടിയ ‘തങ്കമനസ്സി’ന്റെ കരോക്കെ എന്റെ ശബ്ദത്തില്‍..

powered by ODEO

പണ്ട് പണ്ട് ഒരു രാജ്യത്ത്....

2006-11-12T15:25:00.000+04:00

ആര്‍.ജെ.പുരം എന്നൊരു സാങ്കല്‍പ്പിക രാജ്യം.അവിടെയുള്ള മഹാരാജാവ്.പണമില്ലെങ്കിലും ‘പവ്വറുണ്ട്’ അദ്ദേഹത്തിന്.ഒരുമന്ത്രിയെ ‘അഫോഡ്’ചെയ്യാനുള്ള വരുമാനം ഇല്ലാത്തതുകൊണ്ട് ഭടനെ വച്ച് അഡ്ജസ്റ്റ് ചെയ്യുന്നു.കാര്യങ്ങള്‍ ഇങ്ങനെയൊക്കെആണെങ്കിലും പ്രജാക്ഷേമം വിട്ടൊരു കളി അദ്ദേഹത്തിനില്ല.
ഇക്കാര്യങ്ങളൊക്കെമനസ്സില്‍ വച്ച് ഈ രണ്ട് ഓഡിയോയും ശ്രവിക്കൂ..

ആര്‍ ജെ പുരം 1

powered by ODEO

ആര്‍ ജെ പുരം 2

powered by ODEO

യു. എ. ഇ.യോട് വിട !

2006-10-31T11:27:00.000+04:00

യു.എ.ഇ.യിലെ പ്രിയ ബൂലോഗരേ.

ഞാന്‍ ഒരു പറിച്ചുനടലിന് വിധേയനാകുകയാണ്.എട്ടുവര്‍ഷത്തിലേറെയായ പ്രവാസ ജീവിതത്തിന് അവസാനമാകുന്നു.ഈ വരുന്ന നവംബര്‍ 22ന് ഞാന്‍ കേരളത്തിലേയ്ക്കു മടങ്ങുന്നു.സമരങ്ങളും,ഹര്‍ത്താലും,അമ്പലമണിയും,തുറക്കുമ്പോള്‍ കാറ്റൂതുന്ന ‘ടാപ്പും’,ഓട്ടോയുടെ കുടുക്കവും,റോഡിലെ ഗട്ടറും,പവര്‍കട്ടും എല്ലാം എനിക്കു തിരിച്ചുകിട്ടുന്നു.

നട്ടിലേയ്ക്കു പോകുന്ന സന്തോഷം ഒരുവശത്തുണ്ടെങ്കിലും പ്രിയപ്പെട്ട ഒരുപാടു കൂട്ടുകാരെ പിരിയുന്ന വിഷമം നല്ലതുപോലെയുണ്ട്.ശബ്ദത്തിലൂടെ മാത്രമുള്ള പരിചയമാണ് പലരോടുമുള്ളത് എങ്കിലും ശക്തമാണ് ആബന്ധങ്ങള്‍. “ഒന്ന് നഷ്ടപ്പെടുത്താതെ മറ്റൊന്ന് നേടാന്‍ കഴിയില്ല” എന്ന സത്യം മനസ്സിലാക്കുന്നു.എങ്കിലും മനസ്സില്‍ എവിടെയോ ഒരു വിങ്ങല്‍.

ഈ ബൂലോഗത്തില്‍ എനിക്ക് കിട്ടിയ സ്നേഹത്തിന് റേഡിയോ തന്നെയാണ് ഒരു കാരണം എന്ന് എനിക്ക് നന്നായി അറിയാം.നാട്ടിലായാലും റേഡിയോ തന്നെയാണ് എന്റെ മാദ്ധ്യമം.കൂടുതല്‍ വിശേഷങ്ങള്‍ നാട്ടില്‍ ചെന്നിട്ട് അറിയിക്കാം.

യു.എ.യി. മീറ്റിന് എല്ലവരേയും കാണാമെന്ന വിശ്വാസത്തോടെ,

നിങ്ങളുടെ സ്വന്തം ‘ചതിക്കാത്ത’ ചന്തു.

അച്ഛന്‍ കഥകള്‍.‘എപ്പിഡോസ്‘-1

2006-10-23T11:16:00.000+04:00

ഉരുളയ്ക്കുപ്പേരി പോലെ മറുപടി പറയാന്‍ മിടുക്കനാണ് അച്ഛന്‍.( അതങ്ങനെയല്ലേ വരൂ.ആരുടെയാ അച്ഛന്‍!)

പുതിയ കൈനെറ്റിക് ഹോണ്ട സ്കൂട്ടര്‍ വാങ്ങിയ സമയം.എന്നേം ചേച്ചിയേയും അതിന്റെ ഏഴയലത്ത് അടുപ്പിക്കാതെ ‘തണലില്‍ വച്ചാല്‍ തേങ്ങാവീഴും പോര്‍ച്ചില്‍ വച്ചാല്‍ പൂച്ച മാന്തും’ എന്ന രീതിയില്‍ ആ വണ്ടി കൊണ്ടു നടക്കുന്ന സമയം.ഈ ശകടത്തേല്‍ ഒന്നു ചുറ്റാനുള്ള അനുവാദത്തിനായി അച്ഛനെ സോപ്പിടാനുള്ള അടവുകളായ ‘കാലുതിരുമ്മല്‍ മുതുകു മാന്തല്‍’ തുടങ്ങിയ സ്നേഹ പ്രകടനങ്ങളൊക്കെ ഞാന്‍ നടത്തുന്നുണ്ട്. എവിടെ ! എന്റെ കയ്യില്‍ തഴമ്പ് വീണതു മിച്ചം.അച്ഛന്‍ അമ്പിനും വില്ലിനും അടുക്കുന്നില്ല.

അങ്ങിനെ ഇരിയ്ക്കെ ഒരു ദിവസം രാവിലെ ചേച്ചി ഒരു പ്രഖ്യാപനം നടത്തി. “ അച്ഛാ.. ഞാന്‍ ഇന്നു കോളേജില്‍ പോകുന്നത് കൈനെറ്റിക്കില്‍ ആയിരിക്കും”.അച്ഛന്റെ മറുപടിയും പെട്ടന്നായിരുന്നു. “അതെ എന്റെ മകള്‍ ഇന്നു കോളേജില്‍ പോകുന്നത് കൈ നെറ്റിയ്ക്ക്വച്ചായിരിക്കും”.!!!

മഴത്തുള്ളികള്‍ പൊഴിഞ്ഞീടുമീ...

2006-10-14T10:47:00.000+04:00

പ്രിയദര്‍ശന്‍ സംവിധാനം ചെയ്ത ദിലീപ് ചിത്രം ‘വെട്ടം’
ഗാനരചന:ബി.ആര്‍.പ്രസാദ്, സംഗീതം: ബേര്‍ണി ഇഗ്നേഷ്യസ്.
ഈ ഗാനം ഞാന്‍ പാടിയപ്പോള്‍ !!

powered by ODEO

ആട് പെടുന്ന പാട് !

2006-10-08T10:42:00.000+04:00

കുമാര്‍ജിയുടെ ആട് പടം കണ്ടപ്പോ എനിക്കും ഒരു പൂതി തോന്നി.അങ്ങിനെ കിട്ടിയതാണീ ആടുകളെ.മൊബൈല്‍ക്യാമറയില്‍ എടുത്തതുകൊണ്ട് ‘മിഴിവ്’ കുറവായിരിക്കും.അടിക്കുറിപ്പുകള്‍ ക്ഷണിക്കുന്നു.

ചട്ടീം കലോം !

2006-10-01T14:16:00.000+04:00

“ചട്ടീം കലോമാകുമ്പോ തട്ടീം മുട്ടീം ഇരിക്കും” ഇത് പഴമൊഴി
ഇതിനൊരു ചെറിയ മാറ്റമായാലോ ?
ചട്ടിയാകുമ്പോ തട്ടാം പക്ഷെ പൊട്ടിയ്ക്കരുത് !
കലമാകുമ്പോ മുട്ടാം പക്ഷെ പോറലേല്‍പ്പിക്കരുത് !

അരികില്‍ നീ ഉണ്ടായിരുന്നെങ്കില്‍....

2006-09-24T13:27:00.000+04:00

നീയെത്രധന്യ എന്നചിത്രത്തിനു വേണ്ടി ഒ.എന്‍.വി കുറുപ്പും,ദേവരാജനും,യേശുദാസും ഒന്നിച്ചപ്പോള്‍ നമ്മള്‍ മലയാളികള്‍ക്കു ലഭിച്ചത് ഭാവസുന്ദരമായ ഈ ഗാനമാണ്.വാക്കുകള്‍ക്കും വരികള്‍ക്കും അനുസരിച്ച് എങ്ങിനെയാണ് സംഗീതം നല്‍കേണ്ടത് എന്നു മറ്റ്സംഗീത സംവിധായകര്‍ക്കു മനസ്സിലാക്കാന്‍ കഴിഞ്ഞ ഒരു ഗാനവും കൂടിയാണ് ഇത്.
‘അരികില്‍’ എന്ന ആദ്യത്തെ വാക്കിനായുള്ള ഈണത്തിനു വേണ്ടി ഒരാഴ്ച്ചയോളം ദേവരാജന്‍ മാസ്റ്റര്‍ കാത്തിരുന്നു.ഇന്ന് എത്രപേര്‍ ഇതിനൊരുങ്ങും?

ആ ഗാനം എന്റെ ശബ്ദത്തില്‍ .

powered by ODEO

രാഗം ‘കണ്‍ഫ്യൂഷന്‍’.താളം ‘മിശ്ര ക്ലാപ്പ്’

2006-09-22T11:21:00.000+04:00

നാടോടുമ്പോള്‍ നടുക്കൂടെയല്ലങ്കിലും വശത്തൂടെയെങ്കിലും ഓടണ്ടേ അണ്ണാ ! ഇല്ലങ്കീ പങ്കം.ഓ തന്നന്ന് !!

powered by ODEO

രാഗം ‘സുകുമാരി’. താളം ‘ആധി’

2006-09-22T10:45:00.000+04:00

ജഗതിശ്രീകുമാറിനു പുതിയ ‘രസങ്ങള്‍’കണ്ടുപിടിക്കാമെങ്കില്‍ എനിക്ക് പുതിയ രാഗങ്ങളും കണ്ടു പിടിക്കാം !

powered by ODEO

അകലേ.. അകലേ ആരോ പാടും..

2006-09-21T12:04:00.000+04:00

ശ്യാമപ്രസാദ് സംവിധാനം ചെയ്ത അകലെ എന്ന ചിത്രത്തിനുവേണ്ടി ഗിരീഷ് പുത്തഞ്ജേരി എഴുതി എം.ജയച്ചന്ദ്രന്‍ ഈണം നല്‍കി കാര്‍ത്തിക് പാടിയതിന്റെ കരോക്കെ എന്റെ ശബ്ദത്തില്‍..

powered by ODEO

മോന്‍

2006-09-20T10:26:00.000+04:00

ചെറുപ്പത്തില്‍ വാത്സല്യം കൊണ്ട് മാതാപിതാക്കള്‍ അവനെ വിളിച്ചു ‘മോനേ’ന്ന്

മുതിര്‍ന്നപ്പോള്‍ കയ്യിലിരുപ്പ് കണ്ട് നാട്ടുകാരും അവനെ വിളിച്ചു ‘മോനേ’ന്ന് !

രാക്കിളിതന്‍ വഴി മറയും

2006-09-17T13:56:00.000+04:00

പെരുമഴക്കാലത്തിനു വേണ്ടി കൈതപ്രത്തിന്റെ വരികള്‍ക്കു എം.ജയചന്ദ്രന്‍ ഈണം നല്‍കി അദ്ദേഹം തന്നെ പാടിയ ഗാനത്തിന്റെ കരോക്കേ എന്റെ ശബ്ദത്തില്‍ !

powered by ODEO

യേശുദാസും ആലുവാപ്പുഴയും

2006-09-16T08:19:00.000+04:00

ഇക്കഴിഞ്ഞ സെപ്റ്റംബര്‍ 13നു നമ്മുടെ ഗാനഗന്ധര്‍വ്വനുമായി ഒരു അഭിമുഖത്തിനുള്ള ഭാഗ്യം എനിക്കുണ്ടായി.അതിനൊടുവില്‍ അദ്ദേഹം ആലുവപ്പുഴയുടെ ഇപ്പോഴത്തെ അവസ്ഥയെപ്പറ്റി ഇങ്ങനെ പറഞ്ഞു.

powered by ODEO

ഈ നഗരത്തില്‍ രാപാര്‍ക്കണോ ?

2006-09-10T10:29:00.000+04:00

യു.എ.ഇ യിലെ റാസല്‍ഖൈമയില്‍ ജസീറ എന്ന സ്ഥലത്തെ ഉപേക്ഷിക്കപ്പെട്ട ഒരു നഗരമാണിത്. ‘ ജിന്നു’കളെ പേടിച്ചാണ് ജനം പോയത് എന്നാണ് അറിഞ്ഞത്.
പഴയ കാലത്തെ കെട്ടിട നിര്‍മ്മാണ രീതി സുന്ദരമാണ്. സിമന്റിനു പകരം ഉപയോഗിച്ചിരിക്കുന്ന മിശ്രിതത്തിനു അപാര ഉറപ്പാണ്.‘തകര്‍ക്കാ‍ന്‍ പറ്റാത്ത വിശ്വാസം’. പക്ഷെ അത് ‘ജിന്ന്’ തകര്‍ത്തു !

ഒരോണപ്പാട്ട്

2006-08-27T11:21:00.000+04:00

powered by ODEO
വിരഹത്തിന്റെ നൊമ്പരമുണര്‍ത്തുന്ന ഒരു ഗാനം.സലിന്‍ മാങ്കുഴിയുടെ വരികള്‍ക്ക് കെ.വി.ശശിയുടെ ഈണം.പാടിയത് ഞാന്‍ ചന്തു.( പക്ഷെ അതിന്റെ അഹങ്കാരം തീരെ ഇല്ലാട്ടൊ!)

പണം

2006-08-21T13:37:00.000+04:00

കയ്യില്‍ പണമില്ലാതിരുന്നകാലത്ത് അവന്പണം പുല്ലായിരുന്നു
കയ്യിലിത്തിരിപണമുണ്ടായകാലത്ത് എല്ലാര്‍ക്കുമവന്‍ എല്ലാമായിരുന്നു
കയ്യിലെപണമില്ലാതായകാലത്ത് എല്ലാര്‍ക്കുമവന്‍ പുല്ലായ്മാറിക്കഴിഞ്ഞിരുന്നു!

ഇത് ശരിയാണോ ?

2006-08-15T17:02:00.000+04:00

രവീന്ദ്രന്‍ ഈണം പകര്‍ന്ന അവസാനത്തെ ഗാനങ്ങള്‍ എന്ന പേരില്‍ പുറ്ത്തിറങ്ങിയ ‘കളഭം’ എന്ന ചിത്രത്തിലെ ഗാനങ്ങള്‍ വെറും പകര്‍പ്പാണ്.രവീന്ദ്രന്‍ തന്നെ ഈണം പകര്‍ന്ന ‘ ഇല്ലത്തെ കിളിക്കൂട്’ എന്ന റിലീസ് ചെയ്യാത്ത ചിത്രത്തിലെ പാട്ടുകള്‍ വരികള്‍ മാറ്റി പുതിയ കുപ്പിയില്‍ ആക്കിയിരിക്കുകയാണ് അണിയറക്കാര്‍.

ഒരു പ്രഗത്ഭനായ സംഗീത സംവിധായകന്റെ പേരിനു കളങ്കം ചാര്‍ത്തുകയല്ലേ ഇക്കൂട്ടര്‍ ചെയ്യുന്നത്.

തിരക്ക്..

2006-08-13T14:05:00.000+04:00

അയാള്‍ക്കെപ്പോഴും തിരക്കായിരുന്നു.വീടിനും ഒാഫീസിനുമിടയില്‍ കിടന്ന് തിരക്കുകാരണം അയാള്‍ വീര്‍പ്പുമുട്ടി.അവസാനം ‘വിളി’ വന്നപ്പോള്‍ അയാള്‍ക്ക് എല്ലാ തിരക്കുകളും മാറ്റിവയ്ക്കേണ്ടി വന്നു.

പണിപോയാലും ഞാന്‍ ജീവിക്കും !!!!

2006-07-31T16:26:00.000+04:00

എന്റെ നീലാകാശം

2006-07-29T17:08:00.000+04:00

ഒരിത്തിരി പരിഭ്രമം ഉള്ളതുപോലെ അല്‍പം ചിലമ്പിച്ച,എന്നാല്‍ വ്യക്തതയുള്ള ഒരു യുവാവിന്റെ ശബ്ദമാണു ഫോണിന്റെ അങ്ങേതലയ്ക്കല്‍ നിന്നും ഞാന്‍ കേട്ടത്‌.ആവശ്യം ലളിതം." പി.സുശീല പാടിയ എന്റെ നീലകാശം നിറയെ.." എന്ന ഗാനം കേള്‍ക്കണം.ഓഫീസിലെ തിരക്കുകളില്‍ ഇരിക്കുമ്പോഴാണു അവന്റെ കാള്‍ എത്തിയത്‌.ശബ്ദത്തിന്റെ ആകര്‍ഷണീയത കൊണ്ടോ,ആരും അങ്ങനെ ആവശ്യപ്പെടാത്ത ഒരു ഗാനത്തിനെപ്പറ്റി കേട്ടതുകൊണ്ടോ എന്തോ അവനോട്‌ കൂടുതല്‍ സംസാരിക്കന്‍ എനിക്കു തോന്നി.സിനാജ്‌.അതായിരുന്നു അവന്റെ പേര്‍. ഡിഗ്രി ഒന്നാംവര്‍ഷത്തിനു പഠിയ്ക്കുന്നു. ദുബായ്‌ കരാമയില്‍ താമസം.അമ്മയും അനുജത്തിയും ഒപ്പമുണ്ട്‌.അച്ഛന്‍ ചെറുപ്പത്തിലേ മരിച്ചുപോയി.ഒട്ടും മറയില്ലാത്ത സംസാരവും സ്നേഹത്തോടെയുള്ള " ചേട്ടാ " എന്ന വിളിയും എന്നെ സിനാജിലേയ്ക്കു കൂടുതല്‍ അടുപ്പിച്ചു.പാട്ടുകളെക്കുറിച്ചും,പാടാനുള്ള താല്‍പര്യത്തെക്കുറിച്ചുമെല്ലാം സിനാജ്‌ എന്നോടു സംസാരിച്ചു.ആ വെറും അഞ്ചു മിനിട്ടുകൊണ്ട്‌ സിനാജ്‌ എന്റെയുള്ളില്‍ ഇടം നേടിയെടുത്തു എന്നതാണു സത്യം.ഫോണ്‍ വയ്ക്കുന്നതിനു മുന്‍പ്‌ മൊബെയില്‍ നമ്പരുകള്‍ ഞങ്ങള്‍ കൈമാറി. തൊട്ടടുത്ത ഏതെങ്കിലും ദിവസം " എന്റെ നീലകാശം "റേഡിയോയില്‍ പ്രക്ഷേപണം ചെയ്യാം എന്ന ഉറപ്പിലാണു ഞങ്ങളുടെ സംസാരം അവസാനിച്ചത്‌.ആപാട്ടിനായി ലൈബ്രറിയില്‍ തിരഞ്ഞപ്പോള്‍ പക്ഷെ നിരാശയായിരുന്നു ഫലം.ആ ഗാനം ഞങ്ങളുടെശേഖരത്തില്‍ ഇല്ല.സിനാജിനെ വിളിച്ച്‌ ഇക്കാര്യം പറഞ്ഞപ്പോള്‍ അവനു ഒട്ടും നിരാശയില്ലായിരുന്നു. മറിച്ച്‌ സന്തോഷമായിരുന്നു."ഒരു പാട്ടിന്റെ കാര്യത്തിനാണെങ്കിലും ചേട്ടന്‍ എന്നെ വിളിച്ചല്ലോ".ഇതായിരുന്നു സന്തോഷത്തിനു കാരണം.ആ സമയം അവധിക്ക്‌ നാട്ടിലേയ്ക്കു പോകാനുള്ള തിരക്കിലായിരുന്നു ഞാന്‍.അവതരിപ്പിക്കുന്ന പരിപാടികള്‍ 30 ദിവസത്തേയ്ക്കുള്ളത്‌ അഡ്വാന്‍സായി റെക്കോഡ്‌ ചെയ്യണം.അതില്‍ പ്രധാനപ്പെട്ട ഒരു പ്രോഗ്രാമാണു 'സരിഗമ'.അതില്‍ സിനാജിനെ ഞാന്‍ പങ്കെടുപ്പിച്ചു.അവന്‍ നന്നായി പാടി സമ്മാനവും നേടി. ഞാന്‍ നാട്ടിലേയ്ക്കുപോയിക്കഴിഞ്ഞുള്ള മൂന്നാമത്തെ ആഴ്ചയിലേയ്ക്കായിരുന്നു ആ എപ്പിസോഡ്‌ പ്ലാന്‍ ചെയ്തിരുന്നത്‌. നാട്ടില്‍ പോകുന്നതിന്റെ ഭാഗമായി എനിക്ക്‌ തിരക്കോടുതിരക്ക്‌. ഇതിനിടയില്‍ സിനാജിനെ നേരില്‍ കാണണമെന്നുണ്ടായിരുന്നു. പക്ഷെ സാധിച്ചില്ല.ഇതിനോടകം തന്നെ റേഡിയോ ഏഷ്യയിലെ എന്റെ സഹപ്രവര്‍ത്തകര്‍ക്കും സിനാജ്‌ പ്രിയപ്പെട്ടവനായി മാറിക്കഴിഞ്ഞിരുന്നു. ഞാന്‍ നാട്ടിലേയ്ക്കു തിരിയ്ക്കുന്ന ദിവസം വൈകിട്ട്‌ സിനാജ്‌ എന്നെ വിളിച്ചു. "ചേട്ടാ സുഖമായി പോയിട്ട്‌ വരൂ..എല്ലാവരെയും അന്വേഷണം അറിയിക്കാന്‍ മറക്കരുത്‌"" ഒ.കെ മോനെ. നിനക്കുവേണ്ടി 'എന്റെ നീലാകാശം' നാട്ടില്‍ നിന്നും കൊണ്ടു വരാം. ഞാന്‍ നിന്നെ കാണാന്‍ വരുന്നത്‌ ആ പാട്ടുമായിട്ടായിരിക്കും". വീണ്ടും യാത്രാ മംഗളങ്ങള്‍ പറഞ്ഞ്‌ അവന്‍ ഫോണ്‍ വച്ചു.ഞാന്‍ നാട്ടിലെത്തി.വീട്ടുകാരോടും സുഹൃത്തുക്കളോടും ഒപ്പമുള്ള സന്തോഷകരമായ ദിവസങ്ങള്‍. ഇതിനിടയിലൊരുദിവസം ചുറ്റാനിറങ്ങിയപ്പോള്‍ തിരുവനന്തപുരത്തെ പ്രശസ്തമായ കാസെറ്റ്‌ കട ലൈറ്റ്‌ ഹൌസില്‍കയറി 'എന്റെ നീലാകാശം' തപ്പി. അവിടെയും നിരാശ.ഗാനം ഇല്ല.അവസാനം പി.സുശീലയുടെ ഗാനങ്ങള്‍ അടങ്ങിയ രണ്ടു കാസറ്റ്‌ ഞാന്‍ തിരഞ്ഞെടുത്ത്‌ സിനാജിനായി മാറ്റിവച്ചു.ദുബായിലേയ്ക്കു മടങ്ങി വരുന്നതിനു കുറച്ചു ദിവസങ്ങള്‍ക്കുമുന്‍പ്‌ ഞാന്‍ പുട്ടപര്‍ത്തിയില്‍ സത്യസായിബാബ ദര്‍ശനത്തിനു പോയി. ദര്‍ശനം കഴിഞ്ഞ്‌ പ്രശാന്തി നിലയത്തിന്റെ പുറത്തെത്തിയപ്പോള്‍ ഒരു എസ്‌.ടി.ഡി ബൂത്ത്‌ കണ്ടു. വെറുതെ ഓഫീസിലേയ്ക്ക്‌ വിളിക്കാമെന്നു കരുതി.വിളിച്ചു. അവിടെ എന്നെ കാത്തിരുന്നത്‌ വേദനിപ്പിക്കുന്ന ഒരു വാര്‍ത്തയായിരുന്നു." സിനാജ്‌ മരണമടഞ്ഞു ".ഒരു സുഹൃത്തിന്റെ വീട്ടിലെ ചവിട്ടുപടിയില്‍ തട്ടിമറിഞ്ഞുവീണു ഗുരുതരമായി പരിക്കേറ്റ്‌ ആശുപത്രിയിലായിരുന്ന സിനാജ്‌ രണ്ടു ദിവസം മുന്‍പ്‌ മരണമടഞ്ഞു. ആശുപത്രിക്കിടക്കയില്‍ കിടന്നു താന്‍ പങ്കെടുത്ത സരിഗമ കേട്ടതിനുപിറ്റേദിവസമായിരുന്നു മരണം.ആവാര്‍ത്തയുടെ നടുക്കം യാത്രയിലുടനീളം എന്നെ വിട്ടു മാറിയില്ല. സിനാജിനായി വാങ്ങിയ പി.സുശീലയുടെ പാട്ടുകള്‍ മന:പ്പൂര്‍വം ഞാന്‍ വീട്ടില്‍നിന്നും എടുത്തില്ല.അവധി കഴിഞ്ഞു തിരിച്ച്‌ ദുബായ്‌ ഓഫീസില്‍ എത്തിയ എന്നെ കാത്ത്‌ ഒരു കത്ത്‌ കിടപ്പുണ്ടായിരുന്നു. സിനാജിന്റെ അനുജത്തി എഴുതിയ ഒരു കത്ത്‌.പരിക്കു പറ്റി ആശുപത്രിയിലായിരുന്ന സമയത്തും അവനു ബോധമുണ്ടായിരുന്നു.സംസാരത്തിലെപ്പോഴും ഞങ്ങള്‍ റേഡിയോ ഏഷ്യക്കാരെപ്പറ്റി അവന്‍ പറയാറുണ്ടായിരുന്നു. സിനാജിന്റെ മരണത്തോടെ കൂടുതല്‍ തകര്‍ന്നുപോയ അവര്‍, അമ്മയും അനുജത്തിയും, ഇംഗ്ലണ്ടില്‍ അമ്മാവന്റെടുത്തേയ്ക്കു പോയി.ഈ വിവരങ്ങളൊക്കെ അടങ്ങിയതായിരുന്നു ആ കത്ത്‌.പ്രിയ വായനക്കാരാ. താങ്കള്‍ ഒരുപക്ഷെ ചിന്തിക്കുന്നുണ്ടാകാം " എന്റെ നീലാകാശം നിറയെ " എന്ന ഗാനത്തിനു എന്താണു ഇത്ര പ്രത്യേകത എന്ന്.ഉണ്ട്‌.പ്രത്യേകത ഉണ്ട്‌.സിനാജിനെ സംബന്ധിച്ച്‌ പ്രത്യേകത ഉണ്ട്‌.. കാരണം അവനു നീലാകാശവും മേഘങ്ങളുമെല്ലാം സങ്കല്‍പ്പിക്കാനേ കഴിയുമായിരിന്നുള്ളൂ..അതെ.. അവന്‍ അന്ധനായിരുന്നു...

ഒരു "ഗ്യാനം"

2006-07-24T10:12:00.000+04:00

powered by ODEO

ഞങ്ങളുടെ ഒരു ശ്രോതാവ്‌ അനില്‍ നീണ്ടൂര്‍ എഴുതി റേഡിയോ ഏഷ്യയുടെ സംഗീത സംവിധായകന്‍ ശശി ഈണം പകര്‍ന്ന് 'ഞാന്‍' ആലപിച്ച ഈ"ഗ്യാനം" ആസ്വദിക്കൂ..അശീര്‍'വധിക്കൂ'.
( മൂളലിനു കടപ്പാട്‌ : അഞ്ജന )

ഭ്രാ‍ന്തന്‍ ചിന്ത.

2006-07-17T17:05:00.000+04:00

രാവിലെ കണ്ണാടിയിലെ പ്രതിബിംബത്തില്‍ നോക്കിയ ഞാന്‍ ഞെട്ടി. കാണാനില്ല.എവിടെപ്പോയി.ഇന്നലെയും അവിടെത്തന്നെ ഉണ്ടായിരുന്നതാണല്ലോ..ചാഞ്ഞും ചരിഞ്ഞും ഇരുന്നും കിടന്നും ഒക്കെ നോക്കി.ഇല്ല കാണുന്നില്ല.. എവിടെയോ കളഞ്ഞുപോയിരിക്കുന്നു.
എവിടെ വച്ചാ എനിക്കു കൈമോശം വന്നത്‌.ഓര്‍ത്തുനോക്കി.കഴിഞ്ഞ ദിവസത്തെ സംഭവങ്ങള്‍ ഒന്നൊന്നായി മനസ്സില്‍ തെളിഞ്ഞു..യെസ്‌.കിട്ടി.
ഇന്നലെ കോഫി ഹൌസില്‍ വച്ച്‌ അവളുടെ പ്രണയം സ്വീകരിച്ചപ്പോള്‍ എനിക്കു നഷ്ടപ്പെട്ടത്‌ അതായിരുന്നല്ലോ.." എന്റെ മുഖം ".

ഒരു ചെറു പുഞ്ചിരി

2006-07-12T17:11:00.000+04:00

ഞാന്‍ ഉണ്ടാക്കിയ ഒരു programme promo ആണിത്.

ചോദ്യം

2006-07-09T11:59:00.000+04:00

പ്രണയത്തിന്‍ആഴമെത്ര ?

അലയാഴിതന്‍ അഗാധതയ്ക്കു തുല്യമോ ആകാശത്തിന്‍ അപാരതയ്ക്കു സമമോ ?

തിരയലിനൊടുവില്‍ കണ്ടെത്തി

മനസ്സിനേറ്റ മുറിവാണതിനുത്തരം !!!